EXPOSICION E CHARLA SOBRE SETAS

Nesta semana tivemos a visita de Amancio, un colaborador de Vaipolorío, que nos ensinou e contou cousas moi interesantes das setas.

Puidemos coñecer moitas variedades diferentes e tamén algunha velenosa.

O SAMAIN DE CABANAS

Xa pasaron uns dias dende o samaín e queremos ensinarvos todo o traballo que fixeron  as familias do noso centro. Atopamos cabazas expectaculares.

Moitas gracias familias pola vosa colaboración!!

Entre tódolos alumnos e alumnas do centro decidimos cal de todas estas maravillas era a que máis nos gustaba e o gañador levou un pequeno agasallo.

GAÑADOR  Alejandro de 5ºA

Ademais deste concurso, fixemos outras actividades:

Estivemos a inventar os nosos propios monstros e explicamos como son e a que teñen medo eles.

É tivemos sesión de "CINE DE MEDO"

 

A que foi un samaín fantastico!

DIA DA PAZ

O Venres día 29 celebramos todos xuntos o día da Paz.

Todos os nenos do cole e coa axuda do profe Gonzalo escribimos e puxemos música a esta bonita canción que fala de igualdade "Xuntos no camiño"

Cantade con nós !!!"

Ademais durante toda a semá xuntámonos na biblioteca e nas clases e grazas os nenos de 6º de Primaria,  que foron os que elaboraron un Power Point das "Patronas mexicanas",  puidemos aprender mais cousas destas mulleres e da sua xenerosidade

PRINCIPIÑAS E PRINCIPESOS

O noso cole foi un dos que participou durante este curso no

Programa de prevención da violencia de xénero engadido dentro do Proxecto nAmorAndo, feito posible grazas ó apoio e a financiación da Concellería de Asuntos Socias e Iguadade do Concello de Pontevedra e levado a cabo pola psicóloga JONE OJEDA.

Encantados quedamos coa experiencia e co resultado final, un video precioso que nos fai reflexionar a todos e todas.

Se queredes disfrutar  del clicade aquí.

Esperamos que vos guste moito.

AVISO IMPORTANTE !!

Si visitades este blogue e non vedes novidades non pensedes que non estamos a traballar.

Os nenos e nenas de Cabanas non paran.

Clicade nas pestanas de cada ciclo (Infantil, 1º ciclo,....Biblioteca, orientación,...) e estaredes ao día de todo!

1º PREMIO PONTENCIENCIA

Estamos moi contestor e orgullosos dos nosos alumnos (e algún profe tamén!) polo 1º premio acadado na modalidade de centros escolares no 1º ano de PONTEENCIENCIA.



PONTENCIENCIA

O ALUMNADO DE 6º DO CEIP DE CABANAS VAI A PARTICIPAR NA FEIRA DA CIENCIA.

ESTAREMOS  NA FACULTADE DE FORESTAIS O SÁBADO POLA MAÑÁ.

ANIMADEVOS A VIR E COÑECER O NOSO STAND !!!!

BUZÓN REAL

Con moita pero que moitísima ilusión os nenos e nenas de Cabanas depositaron as súas cartas no buzon real. Seguro que as súas Maxestades de Oriente MELCHOR  GASPAR e BALTASAR repartirán en todas as súas casas anaquiños de emoción e felicidade. 

PANXOLIÑA DE NADAL

Hoxe todos os nenos e nenas do cole, dirixidos pola profe Aurora cantaron divertidas Panxoliñas de Nadal.

CANTAMOS CON LINGUAXE DE SIGNOS

EXPERIMENTOS

O Martes pasado o cole encheuse de ciencia.
A todos nos gustan os experimentos e por eso o
que fixemos foi experimentar con globos, imáns, alimentos.......

¡Que divertido é  facer ciencia!

PROPOSTA FIN DE SEMANA

 

 

A próxima fin de semana vaise levar a cabo una nova edición de CULTURGAL, feira das industrias culturais de Galicia.

Haberá moitas actividades para tódalas idades.

Se queredes consultar a páxina do evento  clicade aquí.

 

 

ACTIVIDADES CURSO 2013-2014

 

Si visitades este blogue e non vedes novidades non pensedes que non estamos a traballar.

Os nenos e nenas de Cabanas non paran.

Clicade nas pestanas de cada ciclo (Infantil, 1º ciclo,....Biblioteca, orientación,...) e estaredes ao día de todo!

MAGOSTO 2013

Por certo, por certo..... mirade como bailamos animad@s pola profe María mentres esperábamos a que se asaran as castañas  

FIN DE CURSO 2013

ACTUACIÓNS DOS ALUMNOS E ALUMNAS DO 2º E 3º CICLO DE EDUCACIÓN PRIMARIA

Rafael Úbeda

SAÍDA VOZ NATURA

Durante este curso , o alumnado de 6º de primaria do noso centro colabora co CEE Juan XXIII, no seu proxecto de Voz Natura  "Montes de hoxe, bosques de mañá".

Entre as actividades que se engloban no proxecto están dúas saídas ao Salgueiral ( Bora).

Na primeira saída, que se realizou o día 20 de febreiro, as nenas e nenos de 6º, xunto con alumnado do Juan XXIII e do IES Xunqueira I, plantaron árbores na zona do Salgueiral e puideron comprobar o crecemento das árbores xa plantadas durante o curso pasado.

Aquí tedes algunha fotos das actividade.

CAMBIOS

Atoparedes moitos cambios no blog esta temporada. Estamos aprendendo moitas cousas e facendo moitas  probas para mellorar.

Esperamos que estes cambios vos gusten.

Non esquezades que os vosos comentarios poden axudarnos moito nesta tarefa.

CONTRATOS PROGRAMA

A Consellería de Educación vén de confirmar que o noso centro foi seleccionado para desenvolver, a partir de xaneiro, os seguintes programas:

1.  CONTRATOS PROGRAMA  (anteriormente chamados PROA: Reforzo, Orientación e Apoio), modalidade de Acompañamento Escolar):

Que é o programa Proa?

É un  programa de Innovación, avalado pola U.E e a Xunta de Galicia. Consiste nun programa de Reforzo, Orientación e Apoio  que  comezará a funcionar, por primeira vez, no Ceip Cabanas-Salcedo este curso.

Trátase dunha  medida de calidade  educativa que ten como finalidade aumentar ó éxito escolar do alumnado, mellorar o rendemento académico dos alumnos, as  expectativas do éxito escolar e previr o fracaso escolar.

A quen está destinado?

Está destinado para o alumnado do segundo ciclo (3º, 4º) e terceiro ciclo (5º, 6º) de  primaria (establecendo  2 grupos). O alumnado é seleccionado polo titor/a tras uns criterios preestablecidos polo propio programa.

Lévase a cabo en horario extraescolar (polas tardes), dúas horas diarias de luns a xoves (2 días cada grupo) , e dura aproximadamente o curso académico.

A actividade é completamente gratuíta para as familias seleccionadas, incluído o transporte ao centro.

Que obxectivos persegue?

Este programa pretende:

• Potenciar a aprendizaxe e o rendemento escolar do alumnado
• Potenciar os hábitos de organización e constancia no traballo.
• Facilitar a aprendizaxe de técnicas de estudo.
• Mellorar as habilidades e actitudes asociadas á lectura.
• Facilitar a transición do colexio ó instituto. 

A intención destes programas é que, xunto cos outros que levamos a cabo, mais os impagables esforzos diarios nas aulas, se incremente o nivel da educación dos nenos e nenas, atendendo aos diferentes niveis de partida de cada un.

2. MELLORA DA LECTURA, ESCRITURA E CÁLCULO.

Destinado a todo o alumnado de E.Primaria, que ten como obxectivo  mellorar as competencias básicas do alumnado.

Realizaránse actividades en horario escolar.